عبدالله سعد اللحيدان   اضغط هنــــا   اضغط هنـــا   لا يوجد


العودة   منتديات بوابة العرب > منتديات الشؤون السياسية > سياسة وأحداث

إضافة رد
 
أدوات الموضوع
  #1  
قديم 09-02-2011, 03:16 AM
الــعــربــي الــعــربــي غير متواجد حالياً

 
تاريخ التسجيل: Jun 2003
المشاركات: 5,050
افتراضي أحمد فؤاد نجم: دا شعب فقري




نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها

نستحلفك ……. نسترحمك
نستعطفك …….نستكرمك
ترحمنا من طلعة جنابك حبتين
عايزين نجرب خلقة تانية
ولو يومين

اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد

بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد ‘غازه’ لإسرائيل
ويومين كمان ويمد نيل

أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة

تبقى البلاد ‘مستوطنة ‘
متسلطنة بالسرطنة
إيه اللي خدناه م الكرامة والإباء
حبة خطب وكلام…كلام

إحنا راهننا على النظام
ورضينا بخيار السلام
بخيار حنسد عين الشمس بيه
علشان مايطلعش النهار
ويطلع لمين؟

حبة معارضة مغرضين؟
وحسب بيان السلطة
شلة مأجورين؟

ياعم فضك سيرة
وارضى بقسمتك
دا شعب مش فاهم أكيد
يلا اطرده من رحمتك

وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
__________________
عجباً، تلفظني يا وطني العربي وتقهرُني قهرا
وأنا ابنك أفدي طهر ثراك وأجعل من جسدي جسرا!
رد مع اقتباس
  #2  
قديم 09-02-2011, 03:42 AM
samarah samarah غير متواجد حالياً
 
تاريخ التسجيل: Dec 2009
المشاركات: 1,210
افتراضي

شرفت يا نيكسون بابا


شرفت يانيكسون بابا يابتاع الووتر جيت

عملولك قيمة وسيما سلاطين الفول والزيت

فرشولك أوسع سكة من راس التين على مكة

وهناك تنفذ على عكا ويقولوا عليك حجيت



"ؤاهو مولد ساير داير شيلاه يا صحاب الييت"

جواسيسك يوم تشريفك عملولك دقة وزار

تتقصع فيه العايق’ والساكت والمنشار

والشيخ شمهورش راكب ع الشعب وهات يامواكب

وبواقي الزفة عناكب ساحبين من تحت الحيط

" واهو مولد ساير داير شيلاه يا صحاب البيت"



خد مني كلام يبقى لك ولو انك مش ح تعيش

لاح اقول اهلا ولا سهلا ولاتيجي ولا ماتجيش

بيقولوا اللحم المصري مطرح مابيسري بيهري

وده من تأثيرالكشري والفول والسوسي ابو زيت

" واهو مولد ساير داير شيلاه يا صحاب البيت"
رد مع اقتباس
  #3  
قديم 09-02-2011, 03:44 AM
samarah samarah غير متواجد حالياً
 
تاريخ التسجيل: Dec 2009
المشاركات: 1,210
افتراضي

رجعوا التلامذه
رجعوا التلامذة
يا عم حمزة للجد تاني
يا مصر إنتي اللي باقية
و انتــــــــــي
قطف الأماني
لا كورة نفعت
و لا أونطة
و لا المناقشة و جدل بيزنطة
و لا الصحافة و الصحفجية
شاغلين شبابنا
عن القضيـــة
قيمولنا صهبة يا صهبجية
و دوقونا طعم الأغاني
رجعوا التلامذة
للجد تـــــــاني

طلعوا التلامذة ورد الجناين
اسمع يا ميلص و شوف و عاين
ملعون أبوك ابن كلب خاين
يا صوت أميركا
يا أمريكانـــــــي
رجعوا التلامذة يا عم حمزة
للجد تانــــــــــي
يا مصر إنتي اللي باقية و انتــــــــــي
قطف الأمانــــي
رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماذا قالوا ...... عن رسولنا محمد صلى الله عليه وسلم ؟؟ نعيم الزايدي منتدى العلوم والتكنولوجيا 3 20-12-2011 03:43 AM
صاحب ويكيلكس بلا حدود samarah منتدى العلوم والتكنولوجيا 3 03-01-2011 12:16 AM
المرصـد الجنوبي لحقوق الإنسان ( سـاهر ) الجنوب العربي ابو ردفان منتدى العلوم والتكنولوجيا 0 04-06-2010 03:13 AM
✿ هلموووا هلمووواااا وصوتواااا لأجمل قصة ✿ رحيق الأزهار منتدى العلوم والتكنولوجيا 23 10-03-2010 01:25 PM
ضبط 18 من عناصر الحراك بالضالع على خلفية جرائم مسلحة castle منتدى العلوم والتكنولوجيا 1 06-12-2009 06:29 PM


الساعة الآن 02:15 PM.


New Page 4
 
 
Copyright © 2000-2018 ArabsGate. All rights reserved
To report any abuse on this website please contact abuse@arabsgate.com