عبدالله سعد اللحيدان   اضغط هنــــا   اضغط هنـــا   لا يوجد


العودة   منتديات بوابة العرب > المنتديات العلمية > منتدى العلوم والتكنولوجيا

إضافة رد
 
أدوات الموضوع
  #1  
قديم 07-12-2010, 01:55 AM
نجاة30 نجاة30 غير متواجد حالياً
 
تاريخ التسجيل: Dec 2010
المشاركات: 5
افتراضي رز بالربيان




بسم الله الرحمن الرحيم

السلام عليكم ورحمة الله وبركاته

للأمانه منقول ... عيش بالربيان










تجي على خطوتين ..

اول شي .. طبخ الحشو .. ثاني شي جبس ( كبس ) العيش ...

الحشو :
1) مقلاه نحط فيها زيت
نحط شعريه المطاحن ( يكفي كورتين منهم ) كسريهم صغااار
وحمصي الشعريه مني ليما تصير ذهبية ( لا تحترق )

بعد ما تصير ذهبيه نحطها في صحن البايركس الجانبي ......

2) مقلاه وزيت .. و نقلي قطع من البطاط المقطعه مكعبات ( يكفي 2 حبه فقط )

بعد ما تصير ذهبيه نحطها في صحن البايركس الجانبي ......

3) جدر على النار .. فيه الماء يغلي الما نزيد شويه من الخضار المثلجة ( جزر ـ فاصوليا ـ بزلاء ) مع حبه ماجي .. مني ليما ييصير طري ..

بعدين في صحن البايركس الجانبي ......


4) مقلاه وزيت .. ونحط 3 عدد بصل كبير مقطع صغير ... مع 3 حبات فصوص الثوم مني ليما تطلع الريحه الحلوة ... ويصير البصل لونه مائل للذهبي بس مو محروووق
نزيد عليه الربيان المقشر و المنظف ( شيلو الخيط الاسود اللي بظهر الربيان اللي فيه كل الوساااخه )

و نخلي البصل و الربيان و البصل يحمسووووون على النار ..

شوي يذبل الربيان .. نزيد ..
ملعقة صغيره من ( كركم ـ كمون ـ كزبره يابسه مطحونه ـ فلفل اسود ـ ملح حسب الرغبه ـ )
و سر الخلطه ( صوص الصويا ـ و شوي من الدقوس الاحمر الحار ) ( اموت عليهم )

نخلي الخليط يتحبش ونقصر على النار حييل ... ونخلي الربيان يطبخ على كيفه ربع ساعه ( انا احب الربيان مطبووخ عدل )

نزيد الـ شبنت المقطع ... ( ملعقتين ) و نزيد الكزبره الخضره ( ملعقتين )

نزيده في صحن البايركس الجانبي ......

الحين صار عندنا خلطه الحشووووووو


الحين نطبخ العيش .. اما اننا نسلق العيش .. ونطبقه مع الخلطه هذه ونزيد عليهم شوي كركم ... وزعفران وعلى نار هاديه ... وخلاص صار الاكل ..

او اننا نسويه بالطريقه اللي انا سويتها واهي صعبه شوي يبي لها خبره

شوفوا ...

نجيب جدر ..
وحط الزيت
و نخلي الزيت يحتر
ونجيب العيش المنقع الشاخلينه من الما
ونخليه يحمس بالجدر مع الزيت
بعدين نزيد الحشووو اللي بالبايركس ( ذاكرينه ! )
و نحوووسه ونزيد ملعقة هيل مطحوووون ودارسين شوووي مو وايد عشان لا يخرب الطعم
و بعدين نجيب ماء ساااخن يغلي و نزيده
نخلي الما فوق طبقه العيش بمقدار اصبعين فقط ونحوسه شوي
يغلي الما و العيش
نشيله الجدر
ونحطه على النار الهاااديه ونسكره عدل بالقصدير و المغطا عشااان البخار لا يطلع
ونخليه ربع ساعه ونفتح الجدر مرتين خلال الربع ساااعه عشان نحوس العيش ( نحوسه بالشوكه عشان لا يعجن العيش )

وبالاخير .. يطلع لنا بالشكل الحلو هذا
رد مع اقتباس
  #2  
قديم 08-12-2010, 07:35 PM
★الجوهرة★ ★الجوهرة★ غير متواجد حالياً
 
تاريخ التسجيل: Aug 2010
الدولة: "بـ قلـب بـوابة العـرب"
المشاركات: 5,926
افتراضي

الف شكر لك
ويعطيك الف عافية
على هالطبق اللذيذ

لك التقدير
رد مع اقتباس
  #3  
قديم 14-12-2010, 03:49 PM
نجاة30 نجاة30 غير متواجد حالياً
 
تاريخ التسجيل: Dec 2010
المشاركات: 5
افتراضي

تسلمين حياتي

اشكر مرورج
رد مع اقتباس
  #4  
قديم 20-12-2010, 04:53 PM
ساره العبدالله ساره العبدالله غير متواجد حالياً
 
تاريخ التسجيل: Sep 2010
المشاركات: 425
افتراضي

يمممممممممممممممممم
تسلم الايادى حبيبتى
رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معكرونة بالربيان ماتقطع المصران فجر منتدى العلوم والتكنولوجيا 6 20-07-2001 10:37 PM


الساعة الآن 09:56 AM.


New Page 4
 
 
Copyright © 2000-2018 ArabsGate. All rights reserved
To report any abuse on this website please contact abuse@arabsgate.com