عبدالله سعد اللحيدان   اضغط هنــــا   اضغط هنـــا   لا يوجد


العودة   منتديات بوابة العرب > المنتديات الأدبية > منتدى همس القوافي وبوح الخاطر

إضافة رد
 
أدوات الموضوع
  #1  
قديم 19-04-2019, 08:46 PM
مطنوخ روق مطنوخ روق غير متواجد حالياً
 
تاريخ التسجيل: Apr 2019
المشاركات: 3
افتراضي البعض من قصائد الشاعر / بداح الشويب " مقتطفات تويتر شعر "




السلام عليكم ورحمة الله وبركاته
يشرفني ويسعدني المشاركه في هذا الصرح الجميل والمنتدى الرائع بجميع مقتطفاته الشعريه والعاميه ومختلف الاقسام
اود ان اشارك وتكون اول مشاركه لي عن
( الشاعر بداح الشويّب )
بما شاهدة له من قصائد مختلفه وجميله
طبعاً مشاهدتي لبعض القصايد له واتوقع ان له من الجميل ما يقتطف منه ولكن هذا ما حالفني ان اشاهده
ويسعدني نشره .

يقول

طفح كيل ، ونزل قدر ، وتلطخ فالغياب اسراف
‏‎وذبل وجه ، ونبت شيب ، وتغيّر بالظروف ظروف

كبر سن ، ونقص عمر ، وتقدم والعيون اخلاف !!
يبي عوج الليالي تستقيم ، وهالظروف تحوف ؟؟

على بحر الحياه ، المركب الضايّع كسر مجداف
تلّقى هالزمان الا تشتت .. و اعتراه الخوف ؟؟؟

نظيف القلب ماشكك يظن ان القلوب انظاف ..
كشف له مجهر الايام ، و بيّن لونه المخطوف

رهين الشوف والمبدا ، يغرّه فالكتاب ، اغلاف
على حمل احتمالاته بـ يبقى من رهين الشوف

سرح فالماضيات ومابقى في حاضره ينعاف ..
ماعاد يشدّه الحاضر صنع لـ الذكريات ارفوف

نظر من منطلق فكره تذكر بـ السنين اعجاف ،،
تماكن درب محصوله بيقطف ، والثمر مقطوف

تخيّر فـ اتجاهات الطريق وراح لـ المشراف ،،
يبي معروف قدامه وعوّد ما لقى معروف !!
#بداح_الشويب


ويقول كلمات

باساليب الكلام ، الطيّبه مفتاح !!
و باساليب التعامل ، عامل مروّه

ياطيب اللي تشيّم ، وارتفع بجناح
وياشين اللي لا خاصم خوّته ، شوّه

تحفّظ واكتسب عبره من اللي راح
ولا تستغرب ، و تندم على الخوّه

ياقو اللي نهض طوله عقب ماطاح
وياضعف اللي يفكر ما اعتبر ؛ توه !!

مثل ما فالحياه احزان ؛ فيه افراح
ومثل مالعين تدمع ؛ لـ السما نوّه

على القوّه ، تقدم و الحياه اكفاح ..
يطول الأدمي حلمه ، على القوّه

"مصير اللي يكافح ؛ يجني الأرباح"
طفت ضوّه ؛ بترجع تشتعل ضوّه !!

تبي ترتاح ، وتعيش الزمن مرتاح
تخيّر ما يناسب ذاتك ؛ و سوّه .
#بداح_الشويب


ويقول قصيدة


حديث نفس وشوق وردات اعتبار ؟
وذكرى وجرح وحلم وخيبات الامل ..

وسنين راحت لين مل الانتظار ..
وانا انا نفس المشاعر و المحل

احساس فيني من يمين ومن يسار
جزئين متناصف .. مزيجه من زعل

احياناً الضحكه على هيئة قرار
و احياناً المبداء "يغيّرهْ الفشل"

لا تنصدم لا شفتني مني اغار
اوقات حب الذات نوع من الملل !!

مرات اقول ان المشاعر أختيار ..
و مرات ما لوم المولع لا نحل !!!

ساعات اشوف ان الهزيمه انتصار !!
وساعات اشوفه من نقيض ومن جهل

لو تنجبر وا صل وحدد لك مسار !!
إليا كليت من البصل اشبع بصل ..

لو بعتذر !! ادري مافاد الاعتذار ..
امزح معه واثره على الكلمه صمل !!
#بداح_الشويب


ويقول
" شعر عن الشوق "

الليل حلم ، وطلّة الواقع اشراق ..
وللنفس حق وخلوّة النفس زينه !!

خذيت من وقتي متاهات وارهاق ..
واحتجت غربه.. مّع غياب المدينه

مافيه غير احزان واشعار و اوراق
تكتم من اللوعات حر الكنينه ..

اول محطات الحزن غيمة افراق
واخر محطات الهموم الغبينه

وأصدق حروف الود راقت ولا راق
وجه الغياب اللي مكبل حنينه ..

تنزف من جروح الندم لهفة أشواق
لو المشاعر وسط صدري دفينه ..

وش قيمة الانسان لا صار يشتاق
وش قيمة المرسا !! بليا سفينه !!

لو الحنين يوسع الصدر لا ضاق
مادامت اوجيه المفارق حزينه ..

ما للقطاعه باب !! من باب الاخلاق
اشتقت نظره عابره .. بس وينه !!
#بداح_الشويب



ويقول كلمات

ماتشيب الاماني !! لو تخيب الظنون
وما تضيق الحياه وعند ربي سعه ..

وماتميل الجذوع و لو تميل الغصون
مايترفّع يا بعض الناس لو ترفعه !!

نعْرف السابقون ونعْرف اللاحقون
بس من يقطع الارزاق .. ليه إِقطعه !!

من تشمّت وقال ان العرب يكذبون
لو تدور الدواير راح يكذب معه !!

ومن يقول البشر مصيرهم يشبعون
مايشوف الطمع .. وشلون مايشبعه

مايصير الخيال و لو تجيبه لحون
لو يعيش الخيال .. الواقع بيفجعه

ياهدوء الليالي وش ورا هالسكون !!
والزمن لا خذا له شيء ما رجعه !!

القناعه حوار ان كانهم يسمعون !!
و الليالي كفيله .. و الزمن يقنعه

اختلاف الفكر لايعني انه جنون !!
واتفاق العقل : لا يعني المنفعه ؟؟

واحتباس الحراره صدر كل امغبون
بـ اندفاعه ( تفجّر ) لو تبي تدفعه ..

وانتظار الوصل مابين يمكن يجون !!
يمكن انه يروح ( ويمكن بيزرعه ) ..
#بداح_الشويب


ويقول قصيدة

ماضاق صدرك ، ماتمادت طواريك
ما حن قلبك ، ماختليت وتذكرت ..

ماغيّر الليل العتيم ، ابمباديك !!
ماذكرك فيني وعني ، تعذرت ؟؟

ماردتك بعض المواقف لـ ماضيك ..
غلطاتنا ماجت في بالك وبررت

" عطرت انفاس الليالي بطاريك "
ومن الليالي والطواري تعطرت

كنت اتصوّر بس اجلس حواليك
الا صحيح ، من التصوّر تصوّرت

خليت كل احساس فيني يناديك ..
اجمع من اشتات الزمان وتبعثرت

تناقضات الذات ، مابيك ، وابيك ..
والقاك فالنفس الكتومه ؛ ليا درت

علمتني بـ أوّلكْ .. ماقلت تاليك !!
واقنعتني بمواصلك ، ما تحذرت

لو هي على صبري من العام ناسيك !!
بس البلا بـ احساس قلبي تصبرت ..

اصبحت قانع ، عقبه امسيت ساريك
وامسيت ساري عقبه اصبحت واخترت ..

حببتني فالليل و الليل طاويك ..
واشغلت فكري في خيالك وقصرت

خلّك دقايق "واجه الحين" وشفيك
لاجيت اعاتب ، اختفيت وتبخرت !!
#بداح_الشويب


ويقول في كلماته
" شعر عن الاصحاب "

"قوي العزايم يحفظ السر ما ذاعه"
وضعيف الروابع تعرفه من مراوغته

تدور السنين وتظهر اشكال خداعه
تبيّن خوي المصلحه عقب مصلحته

ياكم صادقٍ ماحط ( للعذر شمّاعه )
وياكم خايبٍ تندم على ايام معرفته

تبيّنَ عزيز النفس والوقت ما طاعه
يرد البلاوي و البلاوي مصاحبته

وانا من غيابك صارت النفس جزاعه
حدود الخيال إلين ما الحلم حققته ..

"خذتك الظروف" وردك الشوق بذراعه
تمادا الغياب وضيقته لين فرجْته

ترا هالزمن مثله مثل عقرب الساعه
مثل مّا يدور الوقت يرجع على وقته

تضيق الصدور ويمحق الوقت مرباعه
ويهب البراد وينعش الصدر ذعذعته

هلا بك عقب ماكانت النفس ملتاعه
عقب هالشتات وعقب م الحين جمّعته

ابي تطلق إحصانك ولا تشد مصراعه
ابي كل كلمه تجلي اللي تجرّعته

غيابك وحزن الذات والشوق واصراعه
خليطٍ تقدم لي غصب لين انا ذقته

يقولون طبع الوقت يقلب على اوضاعه
وانا شفت وقتٍ دار وشلون دايرته
#بداح_الشويب


ويقول
"شعر عن الوله و
العتب "

ليتني اعرف ظروفه و تفكيره
كان ودّه جيّتي جيت له عاني

المكابر بالهوى صعب تفسيره
بين ابيه وبين كيفه ولا جاني ..

كل مالديت عيني على غيره .
استخرت وردني سلم جداني

الوفا ي اهل الوفا رغم تقصيره
لو ظروفي مّع ظروفه تحداني

" اتصبر كل ما ضاقت الديره "
واتعزوى لا بغى الضيق يقواني

واستغل الليل لا جاب له سيره
اسهره .. واقرا عيونه ويقراني

مدري البستان ذبلت نواويره
ولاّ كلّن منطوي ينطر الثاني !!

العمر يمشي ولحظاته قصيره
لو تغانمنا الفرص والعمر فاني

شايفٍ من واجب الذنب تكفيره !!
انتظاري.. كـفّر ذنوب من جاني

أحتّسب أجري ؛ و لله تدبيره ...
وان دعيت بدعوتي يعجز الساني

ليت لي بيتٍ مع بيتهم جيره .
اشهد ان الوقت كله بيلقاني ..

مؤمنٍ بالوقت شره مع خيره
بنلتقي قدام كان الله احياني
#بداح_الشويب


ويقول
في القصيده النبطية

العقل ، فـالادمي مثل السراج ،،
لو لا تكوين العقل ظني ، غدى

مسرح العاقل خيوط الاندماج
لو تضج الناس من داخل هدى

مايضيّع صيده بوسط العجاج
ومايضيّع خوّته ، بين العدى ،

اثر بين الناس والناس ، المزاج
والردي طيّب ، وفالطّيب ردى !!

اختلاف الناس فالناس احتجاج
"وما يولّد بالفراغ !! الا صدى"

اختلط عذب القراح .. بهالهماج
"وكل طيّب راس في وجهه ندى"

اثر بعض الناس راسه من زجاج ..
" كل من فرّه وعباه ، ابتدى !! "
#بداح_الشويب


اعتبر هذي القصيدة
صوره شعريه
يقول فيها

"الخيط بالمفتاح و الباب مقفول .."
والنفس ، أماره ، جزوعه ، عجوله

خلف الدوافع ، وجه فاعل و مفعول ..
شوف الحدث قبله ، لـ ساعة حصوله

فرد اندفع ، فرد انصدم ، فرد مسئول
بغض النظر ، دافع وسبب ... فعوله

غيّرت من وجه المجامل بـ مدبول
و اللي تقوله ، إعرف اني بقوله ،،

ماطاف طاف ، وماتعذرت ! مقبول
وماصار صار ، ولـ التعامل اصوله ،،

انا اعتبر ، ان الخطا ضد مجهول ،،
"وانت العذر ما تقبله في سهوله"

دور البطوله ماتعيشه على طول
ياللي نويت تعيش دور البطوله ..
#بداح_الشويب


ويقول
( شعر عن الاحلام )

العمر يسرق من ملذات الصبر ،،
واحلامنا " بذره " تنميها الحياه

والوقت ما خلا على الواقع شبر
نزرع امل تنبت من الدنيا غثاه

فيني عقوق افراح واحزاني تبر !!
وفيني صبر شايب ولا حصل جزاه

وفيني شعور المنكسر و المنجبر
على العصا ثم نام وانسرقت عصاه

ولو العطا خامه ، ظهر فيها و بر ..
ياكم عطينا شخص مابيّن معاه

ولوّ السما تمطر بـ امثال و عبر ،،
ماهي على قول البدو حذفت حصاه

النفس ما طاعت ولاهي تعتبر ..
والطيب عزة نفس لـ الطيّب غناه

" احياناً اترفع ولاهو من كبر "
لا بيّن البير المغطا في غطاه !!
#بداح_الشويب


ويقول
( شعر عن الغموض )

شوف الحياه بنظرتي لا عدمناك ،،
حاول غموضك يختلط في وضوحك

لاتصير غامض بين ربعك بممشاك
ولاتصير واضح وش فوايد صروحك !!

خلك بشوش وبسمتك في محياك ..
' واضح تفاصيل الملامح جروحك '

يومك تبي محزم ترا كنت وياك !!
كان التساوي من جموحي جموحك

رسيت فالمرسا ومبداي مبداك !
بس البشر ماهي بـ مسمار لوحك

بديت في جهدي وملقاي ملقاك
ماقلت لك داحم جموعك بروحك

قسمي بهالدنيا وقسمك بدنياك ،
نطمح ؛ ولا عشنا نحقق طموحك
#بداح_الشويب


ويقول
( شعر عن الطيب )

غريب والدنيا تجيبك مع اغراب
" مره يخدمونك ، ومرات خادم "

مره تكوّن لك علاقات واصحاب ،،
ومرات موقف "يصنع انسان نادم"

الناس واجد بين صادق وكذاب ..
" وبين الصبور وبين نادم وعادم "

مختلفه العالم بها روس واذناب
" لو كلنا .. نرجع لـ حواء و أدم "

ما حرك التفكير الا على اعجاب
شوف السحايب في سماها ترادم

" مايرتفع مغتاب لا صار يغتاب "
وماتنطوي صفحه على كف هادم

الاجمل إليا جاك يفتح لك ابواب
واكيد في صبرك يبي يكون قادم

غيّر ليا شفت التغيّر بـ الاسباب
مجرّد انك ؛ لا تواجه تصادم ..

الطيب بذره ، والاوادم من تراب
والتجربه تحرث ، تراب الاوادم ..
#بداح_الشويب


ويقول
( شعر عن القطيعه )

ماعاد هي لحيّة مساري وتذكار ..
يوم اكتشفت ان الليالي سريعه

إليا متى اغطي ذنوبي بالاعذار
وإليا متى رد القطيعه قطيعه ..

'نسابق العالم برحله ومشوار'
ونردد اللي باعك اليوم بيعه ..

نعيش بالدنيا من ادوار لـ ادوار
وما نتّعض الا لاجات الفجيعه

في وقتنا وصل المقّفي من العار
نكبر وننسى من حقوق الشريعه !

من الطبيعه ، يقلب الجو بـ غبار
لكن يدوم اغبار ، وين الطبيعه !!

لو يستمر الليل من دون الانوار ،،
بنّسمي ايام السنه بـ اسم ضيعه

ولو يمسك الجاهل مشوره وينشار
بتشوف له بين الوجيه الوضيعه ..

الصيف لو طوّل مع جوه الحار
" اكيد بـ يصدّه شتاه وربيعه " ..

واللي لزم نفسه على وقت الاسحار
عدّه بعد ربي حفظ له وديعه
#بداح_الشويب


ويقول
( شعر عن العمر )

" العمر محدود " والحال لا يمكن يدوم
لو يدوم الحال ،، ما شفت فالدنيا يتيم ..

نفسك اولابك عن الناس لو ودك تلوم
فالطريق المنعوج والطريق المستقيم

" عيش فالدنيا كـ أن العمر ، مغير يوم "
وحاول بنفسك لنفسك ، تخليها نديم

واجه ظروف الزمن ، بالكفاح وبالعزوم ..
خلّك الصامد لو انك من الداخل هشيم

أحشم العالم وخلك مع العالم رحوم
كم تحليك الصفه لو تقلّدت الحشيم ..

" لا تفسر فالنوايا ولا تخاوي ظلوم "
النوايا عند ربي ، ولا غيره عليم ..

وكان متضايّق ترا الناس اغلبها هموم
منت اول شخص فالناس مايقدر يهيم

دام فالدنيا كواكب ، وضلعان ، ورجوم
خلك العاقل وسامر ذعاذيع النسيم ..

عانق احضان السحايب وسولف للنجوم
وإرسم وجيه الاماني على الليل العتيم

أرتفع ما للوطى غير ، نفسٍ ما تشوم ..
وأدمح الزلات مادمت طالع بالسليم
#بداح_الشويب



ويقول
( شعر عن الناس و
المصلحه )

اليسر عقب العسر والدروس اللي وراك !
تنطبع في ذات الايام والعقل الفطين

لاتبيّن وش ورا النفس ولا وش معاك ..
يمكن انك تنحسب من ضحايا الطامعين ؟

كل ماضاقت بك الارض سافر في سماك
وثق تماماً ، عقب ما تشين بتعوّد تزين .

اغلب العالم ليامن خذا منّك ، نساك !
بحاجته عاجل وحاجات غيره يستهين

مايهمّه حاجتك ، لين يوصل في مداك
كنّه موّصى على الصبْر في صدرك لـ وين ؟

بتدري ان اللي رخص فيك ماعمره شراك
وبتدري ان الناس فالوقت معدنها يبين

وبتدري ان اللي فقد شوفتك للبيت جاك
( مايقول اليا تواجه " ترانا فاقدين " )

وان ابو وجهين يمدحْك ويذمك وراك ..
ومنت سالم من كلام البشر فالحالتين

وإنّ في بعض التواضع تنزل مستواك ..
وكلمة التبرير روّح ،، زمان الطيبين !!

منت عارف من جزا الوقت ولا من جزاك
" الاكيد انك بتفهم ، وتعْرف حاجتين "

العوّض قدام ، وماطاف جعله من فداك ..
( لو خذت منْك الليالي ، تعوّضك السنين )
#بداح_الشويب



ويقول
( شعر عن الرزق و
الخيره )

الكون بـ اقدارهْ مسيّر ، والليالي صدوف ،،
والادمي مخلوق ، وحدوده ، نطاق الحياه

مايندرا الخيره كتبْه الله ، لـ بعض الوقوف ،
ومايندرا لـ اعمارنا ،، متى تصادف وفاه ؟

نركض ورا الدنيا ونلهى وإن مرضنا ضعوف
" وايامنا تجري ولا ندري ، متى المنتهاه "

الوقت دامه ينتهي لا تلحقه بالحسوف ،
مصيرنا في دمعتين ، وطيّب الله ثراه .

وارزاقنا لو توقف العالم عليها صفوف ،
ماينوخذ غير النصيب اللي عطاك وعطاه

لا تسبق الاحداث يا ابن ادم تعيش وتشوف
ما كل من يسعى ، لقى الدنيا على مشتهاه ..

حنا على الدنيا وعينا من ظروف لـ ظروف
واللي يطوف بـ يومنا ، نستقبل اللي وراه ..

مرات يا قربي على المقسوم ، لكن يطوف
ويسهلّ على غيري وغيري مادرا منين جاه

لا تشيل هم الرزق دام ، إنّا عليها ضيوف
ما ينكتب لك يوم ، إلا وجاك رزقه معاه ..
#بداح_الشويب


ويقول
( شعر عن النصيحه و
الكلام )

شف أغلب الاشياء من جانب .. عليها مثال
من محتوى الأشياء لا زادت ، تبي تنتثر ..

احياناً إن جاك السؤال ؛ اترد قد السؤال
" ما تلحقك شرهه ليا من راح ولا عثر "

اللي خذيته بالتجارب " صرت اقل انفعال "
حتى الشعور اللي يجيني .. من زمان اندثر

باب النصايح ينقفل لا صار فيه الجدال
خير الكلام إن قلّ ، ما قالو ليا من كثر .

صح الكلام يفيد ، لكن مو على كل حال ،،
لا شفت ما فاد الكلام ، الصمت يصنع أثر .
#بداح_الشويب



ويقول
( شعر عن منطقة نجد و
تحاكي المجتمع )

ماتجتمع عزّتي وضميره الهادي
اتوقع ان داخله " بـ اسم الهوى ذكه "

سقت الركايب وظنيته يبي ينادي ،،
عزاه ،،، عقب الغلا بقلوبنا شكه

دخلت وادي وكل الناس في وادي ،،
' ادوج فـ القاع من سكه ليا سكه '

من ضيقة النفس حتى البال متمادي
فتح لي الليل باب " ازريت لا اصكه "

كن الليالي تعزي شيبي البادي ،،
وكن الطواري تجي وتروح مرتبكه

ماهوب عادي ترا لو قلت لك عادي
اللي نشب فالزمن نشبه ، يبا الفكه

يانجد شوفي ، انا من ترثت اجدادي
" اللي من خيولهم قلبان مفتكه "

يوم الدهر والعرب يحدها الحادي
اسيوف متعاركه ،، وجيوش مندكه

حتى ولو نشأتي ومرباي فـ ابلادي
جيت اشتكي لـ الثرى بهموم مسطكه

ان كنت غادي تراي بمجتمع غادي
يبي اختلاط النسا ، ويموت في مكه .
#بداح_الشويب


هذا مما حالفني مشاهدته
من صفحات تويتر
ودمتم سالمين
رد مع اقتباس
  #2  
قديم 19-04-2019, 09:05 PM
فــجــر الحيــاة فــجــر الحيــاة غير متواجد حالياً
نائب المدير العام للتخطيط والمتابعة
 
تاريخ التسجيل: Mar 2003
المشاركات: 4,359
افتراضي

اقتباس:
المشاركة الأصلية كتبت بواسطة مطنوخ روق مشاهدة المشاركة
السلام عليكم ورحمة الله وبركاته
يشرفني ويسعدني المشاركه في هذا الصرح الجميل والمنتدى الرائع بجميع مقتطفاته الشعريه والعاميه ومختلف الاقسام
اود ان اشارك وتكون اول مشاركه لي عن
( الشاعر بداح الشويّب )
بما شاهدة له من قصائد مختلفه وجميله
طبعاً مشاهدتي لبعض القصايد له واتوقع ان له من الجميل ما يقتطف منه ولكن هذا ما حالفني ان اشاهده
ويسعدني نشره .

يقول

طفح كيل ، ونزل قدر ، وتلطخ فالغياب اسراف
‏‎وذبل وجه ، ونبت شيب ، وتغيّر بالظروف ظروف

كبر سن ، ونقص عمر ، وتقدم والعيون اخلاف !!
يبي عوج الليالي تستقيم ، وهالظروف تحوف ؟؟

على بحر الحياه ، المركب الضايّع كسر مجداف
تلّقى هالزمان الا تشتت .. و اعتراه الخوف ؟؟؟

نظيف القلب ماشكك يظن ان القلوب انظاف ..
كشف له مجهر الايام ، و بيّن لونه المخطوف

رهين الشوف والمبدا ، يغرّه فالكتاب ، اغلاف
على حمل احتمالاته بـ يبقى من رهين الشوف

سرح فالماضيات ومابقى في حاضره ينعاف ..
ماعاد يشدّه الحاضر صنع لـ الذكريات ارفوف

نظر من منطلق فكره تذكر بـ السنين اعجاف ،،
تماكن درب محصوله بيقطف ، والثمر مقطوف

تخيّر فـ اتجاهات الطريق وراح لـ المشراف ،،
يبي معروف قدامه وعوّد ما لقى معروف !!
#بداح_الشويب


ويقول كلمات

باساليب الكلام ، الطيّبه مفتاح !!
و باساليب التعامل ، عامل مروّه

ياطيب اللي تشيّم ، وارتفع بجناح
وياشين اللي لا خاصم خوّته ، شوّه

تحفّظ واكتسب عبره من اللي راح
ولا تستغرب ، و تندم على الخوّه

ياقو اللي نهض طوله عقب ماطاح
وياضعف اللي يفكر ما اعتبر ؛ توه !!

مثل ما فالحياه احزان ؛ فيه افراح
ومثل مالعين تدمع ؛ لـ السما نوّه

على القوّه ، تقدم و الحياه اكفاح ..
يطول الأدمي حلمه ، على القوّه

"مصير اللي يكافح ؛ يجني الأرباح"
طفت ضوّه ؛ بترجع تشتعل ضوّه !!

تبي ترتاح ، وتعيش الزمن مرتاح
تخيّر ما يناسب ذاتك ؛ و سوّه .
#بداح_الشويب


ويقول قصيدة


حديث نفس وشوق وردات اعتبار ؟
وذكرى وجرح وحلم وخيبات الامل ..

وسنين راحت لين مل الانتظار ..
وانا انا نفس المشاعر و المحل

احساس فيني من يمين ومن يسار
جزئين متناصف .. مزيجه من زعل

احياناً الضحكه على هيئة قرار
و احياناً المبداء "يغيّرهْ الفشل"

لا تنصدم لا شفتني مني اغار
اوقات حب الذات نوع من الملل !!

مرات اقول ان المشاعر أختيار ..
و مرات ما لوم المولع لا نحل !!!

ساعات اشوف ان الهزيمه انتصار !!
وساعات اشوفه من نقيض ومن جهل

لو تنجبر وا صل وحدد لك مسار !!
إليا كليت من البصل اشبع بصل ..

لو بعتذر !! ادري مافاد الاعتذار ..
امزح معه واثره على الكلمه صمل !!
#بداح_الشويب


ويقول
" شعر عن الشوق "

الليل حلم ، وطلّة الواقع اشراق ..
وللنفس حق وخلوّة النفس زينه !!

خذيت من وقتي متاهات وارهاق ..
واحتجت غربه.. مّع غياب المدينه

مافيه غير احزان واشعار و اوراق
تكتم من اللوعات حر الكنينه ..

اول محطات الحزن غيمة افراق
واخر محطات الهموم الغبينه

وأصدق حروف الود راقت ولا راق
وجه الغياب اللي مكبل حنينه ..

تنزف من جروح الندم لهفة أشواق
لو المشاعر وسط صدري دفينه ..

وش قيمة الانسان لا صار يشتاق
وش قيمة المرسا !! بليا سفينه !!

لو الحنين يوسع الصدر لا ضاق
مادامت اوجيه المفارق حزينه ..

ما للقطاعه باب !! من باب الاخلاق
اشتقت نظره عابره .. بس وينه !!
#بداح_الشويب



ويقول كلمات

ماتشيب الاماني !! لو تخيب الظنون
وما تضيق الحياه وعند ربي سعه ..

وماتميل الجذوع و لو تميل الغصون
مايترفّع يا بعض الناس لو ترفعه !!

نعْرف السابقون ونعْرف اللاحقون
بس من يقطع الارزاق .. ليه إِقطعه !!

من تشمّت وقال ان العرب يكذبون
لو تدور الدواير راح يكذب معه !!

ومن يقول البشر مصيرهم يشبعون
مايشوف الطمع .. وشلون مايشبعه

مايصير الخيال و لو تجيبه لحون
لو يعيش الخيال .. الواقع بيفجعه

ياهدوء الليالي وش ورا هالسكون !!
والزمن لا خذا له شيء ما رجعه !!

القناعه حوار ان كانهم يسمعون !!
و الليالي كفيله .. و الزمن يقنعه

اختلاف الفكر لايعني انه جنون !!
واتفاق العقل : لا يعني المنفعه ؟؟

واحتباس الحراره صدر كل امغبون
بـ اندفاعه ( تفجّر ) لو تبي تدفعه ..

وانتظار الوصل مابين يمكن يجون !!
يمكن انه يروح ( ويمكن بيزرعه ) ..
#بداح_الشويب


ويقول قصيدة

ماضاق صدرك ، ماتمادت طواريك
ما حن قلبك ، ماختليت وتذكرت ..

ماغيّر الليل العتيم ، ابمباديك !!
ماذكرك فيني وعني ، تعذرت ؟؟

ماردتك بعض المواقف لـ ماضيك ..
غلطاتنا ماجت في بالك وبررت

" عطرت انفاس الليالي بطاريك "
ومن الليالي والطواري تعطرت

كنت اتصوّر بس اجلس حواليك
الا صحيح ، من التصوّر تصوّرت

خليت كل احساس فيني يناديك ..
اجمع من اشتات الزمان وتبعثرت

تناقضات الذات ، مابيك ، وابيك ..
والقاك فالنفس الكتومه ؛ ليا درت

علمتني بـ أوّلكْ .. ماقلت تاليك !!
واقنعتني بمواصلك ، ما تحذرت

لو هي على صبري من العام ناسيك !!
بس البلا بـ احساس قلبي تصبرت ..

اصبحت قانع ، عقبه امسيت ساريك
وامسيت ساري عقبه اصبحت واخترت ..

حببتني فالليل و الليل طاويك ..
واشغلت فكري في خيالك وقصرت

خلّك دقايق "واجه الحين" وشفيك
لاجيت اعاتب ، اختفيت وتبخرت !!
#بداح_الشويب


ويقول في كلماته
" شعر عن الاصحاب "

"قوي العزايم يحفظ السر ما ذاعه"
وضعيف الروابع تعرفه من مراوغته

تدور السنين وتظهر اشكال خداعه
تبيّن خوي المصلحه عقب مصلحته

ياكم صادقٍ ماحط ( للعذر شمّاعه )
وياكم خايبٍ تندم على ايام معرفته

تبيّنَ عزيز النفس والوقت ما طاعه
يرد البلاوي و البلاوي مصاحبته

وانا من غيابك صارت النفس جزاعه
حدود الخيال إلين ما الحلم حققته ..

"خذتك الظروف" وردك الشوق بذراعه
تمادا الغياب وضيقته لين فرجْته

ترا هالزمن مثله مثل عقرب الساعه
مثل مّا يدور الوقت يرجع على وقته

تضيق الصدور ويمحق الوقت مرباعه
ويهب البراد وينعش الصدر ذعذعته

هلا بك عقب ماكانت النفس ملتاعه
عقب هالشتات وعقب م الحين جمّعته

ابي تطلق إحصانك ولا تشد مصراعه
ابي كل كلمه تجلي اللي تجرّعته

غيابك وحزن الذات والشوق واصراعه
خليطٍ تقدم لي غصب لين انا ذقته

يقولون طبع الوقت يقلب على اوضاعه
وانا شفت وقتٍ دار وشلون دايرته
#بداح_الشويب


ويقول
"شعر عن الوله و
العتب "

ليتني اعرف ظروفه و تفكيره
كان ودّه جيّتي جيت له عاني

المكابر بالهوى صعب تفسيره
بين ابيه وبين كيفه ولا جاني ..

كل مالديت عيني على غيره .
استخرت وردني سلم جداني

الوفا ي اهل الوفا رغم تقصيره
لو ظروفي مّع ظروفه تحداني

" اتصبر كل ما ضاقت الديره "
واتعزوى لا بغى الضيق يقواني

واستغل الليل لا جاب له سيره
اسهره .. واقرا عيونه ويقراني

مدري البستان ذبلت نواويره
ولاّ كلّن منطوي ينطر الثاني !!

العمر يمشي ولحظاته قصيره
لو تغانمنا الفرص والعمر فاني

شايفٍ من واجب الذنب تكفيره !!
انتظاري.. كـفّر ذنوب من جاني

أحتّسب أجري ؛ و لله تدبيره ...
وان دعيت بدعوتي يعجز الساني

ليت لي بيتٍ مع بيتهم جيره .
اشهد ان الوقت كله بيلقاني ..

مؤمنٍ بالوقت شره مع خيره
بنلتقي قدام كان الله احياني
#بداح_الشويب


ويقول
في القصيده النبطية

العقل ، فـالادمي مثل السراج ،،
لو لا تكوين العقل ظني ، غدى

مسرح العاقل خيوط الاندماج
لو تضج الناس من داخل هدى

مايضيّع صيده بوسط العجاج
ومايضيّع خوّته ، بين العدى ،

اثر بين الناس والناس ، المزاج
والردي طيّب ، وفالطّيب ردى !!

اختلاف الناس فالناس احتجاج
"وما يولّد بالفراغ !! الا صدى"

اختلط عذب القراح .. بهالهماج
"وكل طيّب راس في وجهه ندى"

اثر بعض الناس راسه من زجاج ..
" كل من فرّه وعباه ، ابتدى !! "
#بداح_الشويب


اعتبر هذي القصيدة
صوره شعريه
يقول فيها

"الخيط بالمفتاح و الباب مقفول .."
والنفس ، أماره ، جزوعه ، عجوله

خلف الدوافع ، وجه فاعل و مفعول ..
شوف الحدث قبله ، لـ ساعة حصوله

فرد اندفع ، فرد انصدم ، فرد مسئول
بغض النظر ، دافع وسبب ... فعوله

غيّرت من وجه المجامل بـ مدبول
و اللي تقوله ، إعرف اني بقوله ،،

ماطاف طاف ، وماتعذرت ! مقبول
وماصار صار ، ولـ التعامل اصوله ،،

انا اعتبر ، ان الخطا ضد مجهول ،،
"وانت العذر ما تقبله في سهوله"

دور البطوله ماتعيشه على طول
ياللي نويت تعيش دور البطوله ..
#بداح_الشويب


ويقول
( شعر عن الاحلام )

العمر يسرق من ملذات الصبر ،،
واحلامنا " بذره " تنميها الحياه

والوقت ما خلا على الواقع شبر
نزرع امل تنبت من الدنيا غثاه

فيني عقوق افراح واحزاني تبر !!
وفيني صبر شايب ولا حصل جزاه

وفيني شعور المنكسر و المنجبر
على العصا ثم نام وانسرقت عصاه

ولو العطا خامه ، ظهر فيها و بر ..
ياكم عطينا شخص مابيّن معاه

ولوّ السما تمطر بـ امثال و عبر ،،
ماهي على قول البدو حذفت حصاه

النفس ما طاعت ولاهي تعتبر ..
والطيب عزة نفس لـ الطيّب غناه

" احياناً اترفع ولاهو من كبر "
لا بيّن البير المغطا في غطاه !!
#بداح_الشويب


ويقول
( شعر عن الغموض )

شوف الحياه بنظرتي لا عدمناك ،،
حاول غموضك يختلط في وضوحك

لاتصير غامض بين ربعك بممشاك
ولاتصير واضح وش فوايد صروحك !!

خلك بشوش وبسمتك في محياك ..
' واضح تفاصيل الملامح جروحك '

يومك تبي محزم ترا كنت وياك !!
كان التساوي من جموحي جموحك

رسيت فالمرسا ومبداي مبداك !
بس البشر ماهي بـ مسمار لوحك

بديت في جهدي وملقاي ملقاك
ماقلت لك داحم جموعك بروحك

قسمي بهالدنيا وقسمك بدنياك ،
نطمح ؛ ولا عشنا نحقق طموحك
#بداح_الشويب


ويقول
( شعر عن الطيب )

غريب والدنيا تجيبك مع اغراب
" مره يخدمونك ، ومرات خادم "

مره تكوّن لك علاقات واصحاب ،،
ومرات موقف "يصنع انسان نادم"

الناس واجد بين صادق وكذاب ..
" وبين الصبور وبين نادم وعادم "

مختلفه العالم بها روس واذناب
" لو كلنا .. نرجع لـ حواء و أدم "

ما حرك التفكير الا على اعجاب
شوف السحايب في سماها ترادم

" مايرتفع مغتاب لا صار يغتاب "
وماتنطوي صفحه على كف هادم

الاجمل إليا جاك يفتح لك ابواب
واكيد في صبرك يبي يكون قادم

غيّر ليا شفت التغيّر بـ الاسباب
مجرّد انك ؛ لا تواجه تصادم ..

الطيب بذره ، والاوادم من تراب
والتجربه تحرث ، تراب الاوادم ..
#بداح_الشويب


ويقول
( شعر عن القطيعه )

ماعاد هي لحيّة مساري وتذكار ..
يوم اكتشفت ان الليالي سريعه

إليا متى اغطي ذنوبي بالاعذار
وإليا متى رد القطيعه قطيعه ..

'نسابق العالم برحله ومشوار'
ونردد اللي باعك اليوم بيعه ..

نعيش بالدنيا من ادوار لـ ادوار
وما نتّعض الا لاجات الفجيعه

في وقتنا وصل المقّفي من العار
نكبر وننسى من حقوق الشريعه !

من الطبيعه ، يقلب الجو بـ غبار
لكن يدوم اغبار ، وين الطبيعه !!

لو يستمر الليل من دون الانوار ،،
بنّسمي ايام السنه بـ اسم ضيعه

ولو يمسك الجاهل مشوره وينشار
بتشوف له بين الوجيه الوضيعه ..

الصيف لو طوّل مع جوه الحار
" اكيد بـ يصدّه شتاه وربيعه " ..

واللي لزم نفسه على وقت الاسحار
عدّه بعد ربي حفظ له وديعه
#بداح_الشويب


ويقول
( شعر عن العمر )

" العمر محدود " والحال لا يمكن يدوم
لو يدوم الحال ،، ما شفت فالدنيا يتيم ..

نفسك اولابك عن الناس لو ودك تلوم
فالطريق المنعوج والطريق المستقيم

" عيش فالدنيا كـ أن العمر ، مغير يوم "
وحاول بنفسك لنفسك ، تخليها نديم

واجه ظروف الزمن ، بالكفاح وبالعزوم ..
خلّك الصامد لو انك من الداخل هشيم

أحشم العالم وخلك مع العالم رحوم
كم تحليك الصفه لو تقلّدت الحشيم ..

" لا تفسر فالنوايا ولا تخاوي ظلوم "
النوايا عند ربي ، ولا غيره عليم ..

وكان متضايّق ترا الناس اغلبها هموم
منت اول شخص فالناس مايقدر يهيم

دام فالدنيا كواكب ، وضلعان ، ورجوم
خلك العاقل وسامر ذعاذيع النسيم ..

عانق احضان السحايب وسولف للنجوم
وإرسم وجيه الاماني على الليل العتيم

أرتفع ما للوطى غير ، نفسٍ ما تشوم ..
وأدمح الزلات مادمت طالع بالسليم
#بداح_الشويب



ويقول
( شعر عن الناس و
المصلحه )

اليسر عقب العسر والدروس اللي وراك !
تنطبع في ذات الايام والعقل الفطين

لاتبيّن وش ورا النفس ولا وش معاك ..
يمكن انك تنحسب من ضحايا الطامعين ؟

كل ماضاقت بك الارض سافر في سماك
وثق تماماً ، عقب ما تشين بتعوّد تزين .

اغلب العالم ليامن خذا منّك ، نساك !
بحاجته عاجل وحاجات غيره يستهين

مايهمّه حاجتك ، لين يوصل في مداك
كنّه موّصى على الصبْر في صدرك لـ وين ؟

بتدري ان اللي رخص فيك ماعمره شراك
وبتدري ان الناس فالوقت معدنها يبين

وبتدري ان اللي فقد شوفتك للبيت جاك
( مايقول اليا تواجه " ترانا فاقدين " )

وان ابو وجهين يمدحْك ويذمك وراك ..
ومنت سالم من كلام البشر فالحالتين

وإنّ في بعض التواضع تنزل مستواك ..
وكلمة التبرير روّح ،، زمان الطيبين !!

منت عارف من جزا الوقت ولا من جزاك
" الاكيد انك بتفهم ، وتعْرف حاجتين "

العوّض قدام ، وماطاف جعله من فداك ..
( لو خذت منْك الليالي ، تعوّضك السنين )
#بداح_الشويب



ويقول
( شعر عن الرزق و
الخيره )

الكون بـ اقدارهْ مسيّر ، والليالي صدوف ،،
والادمي مخلوق ، وحدوده ، نطاق الحياه

مايندرا الخيره كتبْه الله ، لـ بعض الوقوف ،
ومايندرا لـ اعمارنا ،، متى تصادف وفاه ؟

نركض ورا الدنيا ونلهى وإن مرضنا ضعوف
" وايامنا تجري ولا ندري ، متى المنتهاه "

الوقت دامه ينتهي لا تلحقه بالحسوف ،
مصيرنا في دمعتين ، وطيّب الله ثراه .

وارزاقنا لو توقف العالم عليها صفوف ،
ماينوخذ غير النصيب اللي عطاك وعطاه

لا تسبق الاحداث يا ابن ادم تعيش وتشوف
ما كل من يسعى ، لقى الدنيا على مشتهاه ..

حنا على الدنيا وعينا من ظروف لـ ظروف
واللي يطوف بـ يومنا ، نستقبل اللي وراه ..

مرات يا قربي على المقسوم ، لكن يطوف
ويسهلّ على غيري وغيري مادرا منين جاه

لا تشيل هم الرزق دام ، إنّا عليها ضيوف
ما ينكتب لك يوم ، إلا وجاك رزقه معاه ..
#بداح_الشويب


ويقول
( شعر عن النصيحه و
الكلام )

شف أغلب الاشياء من جانب .. عليها مثال
من محتوى الأشياء لا زادت ، تبي تنتثر ..

احياناً إن جاك السؤال ؛ اترد قد السؤال
" ما تلحقك شرهه ليا من راح ولا عثر "

اللي خذيته بالتجارب " صرت اقل انفعال "
حتى الشعور اللي يجيني .. من زمان اندثر

باب النصايح ينقفل لا صار فيه الجدال
خير الكلام إن قلّ ، ما قالو ليا من كثر .

صح الكلام يفيد ، لكن مو على كل حال ،،
لا شفت ما فاد الكلام ، الصمت يصنع أثر .
#بداح_الشويب



ويقول
( شعر عن منطقة نجد و
تحاكي المجتمع )

ماتجتمع عزّتي وضميره الهادي
اتوقع ان داخله " بـ اسم الهوى ذكه "

سقت الركايب وظنيته يبي ينادي ،،
عزاه ،،، عقب الغلا بقلوبنا شكه

دخلت وادي وكل الناس في وادي ،،
' ادوج فـ القاع من سكه ليا سكه '

من ضيقة النفس حتى البال متمادي
فتح لي الليل باب " ازريت لا اصكه "

كن الليالي تعزي شيبي البادي ،،
وكن الطواري تجي وتروح مرتبكه

ماهوب عادي ترا لو قلت لك عادي
اللي نشب فالزمن نشبه ، يبا الفكه

يانجد شوفي ، انا من ترثت اجدادي
" اللي من خيولهم قلبان مفتكه "

يوم الدهر والعرب يحدها الحادي
اسيوف متعاركه ،، وجيوش مندكه

حتى ولو نشأتي ومرباي فـ ابلادي
جيت اشتكي لـ الثرى بهموم مسطكه

ان كنت غادي تراي بمجتمع غادي
يبي اختلاط النسا ، ويموت في مكه .
#بداح_الشويب


هذا مما حالفني مشاهدته
من صفحات تويتر
ودمتم سالمين
وعليكم السلام ورحمة الله وبركاته مشكور ما قصرت وياهلا ومرحبا فيك في منتديات بوابة العرب شرفت ونورت وياليت خصصت كل قصيدة في صفحة مستقلة حتى تكون المتابعة والتعليق يناسب لكل قصيدة
__________________
منتدى الدفاع عن رسول الله (إضغط هنـــــــــــــــــا)
اكتب حرف أكتب كلمة فالذي تعرض للأذية هذه المرة رسول الله إمام هذه الأمة
رد مع اقتباس
إضافة رد

الكلمات الدلالية (Tags)
بداح الشويب, تويتر شعر, تويتر شعر عن الخوي, تويتر شعر عن الناس, شعر تويتر

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سعر الذهب اليوم الاحد 2016/9/18 في مصر إبراهيم أ منتدى العلوم والتكنولوجيا 0 18-09-2016 10:58 PM
سعر الريال السعودي اليوم الاحد 2016/9/18 إبراهيم أ منتدى العلوم والتكنولوجيا 0 18-09-2016 04:42 PM
قراءة في ديوان"شعر الأستاذ: عبد الحميد السنوسي" saydsalem منتدى عـــــــذب الكــــــــلام 0 09-12-2011 05:03 PM
شَكلُ القصيدةِ وقصيدةُ الشَّكل خالد الفردي منتدى العلوم والتكنولوجيا 2 10-02-2011 04:16 AM
الأصوات الشعرية الراهنة لباحث البادية حمد خالد شعيب خالد الفردي منتدى العلوم والتكنولوجيا 4 31-08-2010 03:47 PM


الساعة الآن 11:30 AM.


New Page 4
 
 
Copyright © 2000-2018 ArabsGate. All rights reserved
To report any abuse on this website please contact abuse@arabsgate.com