عبدالله سعد اللحيدان   اضغط هنــــا   اضغط هنـــا   لا يوجد


العودة   منتديات بوابة العرب > المنتديات العلمية > منتدى العلوم والتكنولوجيا

إضافة رد
 
أدوات الموضوع
  #1  
قديم 15-10-2001, 05:58 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile قصة المنتدى الجزء الثاني لكم




.

اقدم لكم الجزء الثاني واتمني ان ينال اعجابكم واستحانكم ... احبتي


الجزء الاول ... تكلمنا عن المنتدى والاعضاء وهالمرة بندخل في تفاصيل اكثر .... وحوارات شيقة ....
المشرف العزيز الساهر بوسط المنتدى جالس على ذيك الطاولة 6 متر وهالكرسي المرتب ... يدخلون الاعضاء ويقدمون له مشاركاتهم ويطالع فيها ويرد ... اول من جاء وكالعادة اختنا أميرة الكون كاشخه مررة وتقدم ماشاركتها للساهر ...ويدور بينهم هالحوار :
أميرة / السلام عليكم يرد الساهر/ وعليكم السلام والرحمه ... اميرة / هلا بدرنا الساهر الساهر/ هلا فيك ... اميرة/ وين الباقين .. الساهر/ للحين ماجا احد اميرة / غريبة المنتدى مافيه احد الساهر / الحين يجون الا وعلى دخله البحر البعيد داق هالثوب الزين كلش ملكي وكبكات وشغل عدل وهالغتره البيضاء ياعيني عليه وماشاء الله ... يسلم على الساهر ..البحر / السلام عليكم جميعاً يرد الساهر / وعليكم السلام وترد بنفس اللحظه اميرة / وعليكم السلام البحر / كيف حالكم يرد الساهر/ الحمد لله انت وشلونك البحر البعيد / الحمد لله تمام ويجلسون يدردشون مع بعض ويتقهوون سواء
( طبعاً القهوة والشاي جايبتها اختنا اميرة الكون ) شوي والا جاي الفيسلوف العاشق .. وهو تعبان شوي ... ويسلم الفليسوف / السلام عليكم ويرد الساهر وعليكم السلام هلا الفليسوف ... وشفيك ..شكلك تعبان ...يرد الفليسوف / أي والله ... الله يلعن هالسيارة ... مالقت تبنشر الا يوم بغيت اروح للمنتدى وياليت بنشر وبس طلعت الاسبير مافيه هواء بعد ... الساهر / وش سويت ... الفليسوف / جلست اشر .. للسيارات ..الين جاء واحد ابن حلال ووداني ..للبنشر وصلحنا الكفر ... ورجعنا للسيارة ... الساهر / والله ماقصر هالرّجال .. الفيلسوف/ ماقصر والله ... وقلت انا عضو بمنتدى بوابة العرب وعزمته للمنتدى ..وقال لي انشاء الله بجي واشترك معاكم ... البحر البعيد / انشا الله ... جلس الفليسوف يرتاح شوي والا داخلة المبدعة اختنا جمانه وبس ولا بسه هالثوب الاحمر الزين ومتزينه واول مادخلت قالت السلام عليكم فرد الساهر/ وعليكم السلام اهلين جمانه وترد جمانه/ هلا الساهر وتردد مقولتها الدايمة مقولتها المشهورة أقبلت لكم والقصايد ضاحكة حجاجها وبها من انفاس عطركم ومنها لونكم ... فيرد البحر البعيد/ حياك جمانه وترد عليه اهلين البحر البعيد انت وشلونك .... ويرد تمام الحمد لله انتي وش اخبارك ترد جمانه الحمد لله .... وتروح وتجلس عند اختنا اميرة وتشرب لها فنجان مهيل وتدردش مع أميرة شوووي والا داخل بهذا الوقت اختنا انين الكلمات ... وتسلم وتقول / السلام عليكم ويرد الساهر / وعليكم السلام ورحمه الله وبركاته ومعاها ذاك الدفتر اللي فيه القصائد الحلوة كيفك الفليسوف واخبارك يرد الفليسوف / ماشي الحال الحمد لله عاد تمشي وتتوجه يم طاوله الساهر اختنا انين وتقدم المشاركة ... ويقرأ استاذنا الساهر المشاركة ويقول / ماشاء الله عليك ... رائعة اختي بس عندي ملاحظه الصورة غير راكبه بمضمون القصيدة طبعاً ترد انين / شكراً على ملاحظتك .. يرد الساهر/ العفو اختي .. وتروح وتنزل مشاركتها بالمنتدى ... المهم تجي الرائع اخونا ابوصالح موقف الوانيت 66 فورد ويضحك البحر البعيد ويقول / هذا صوت وانيت ابوصالح3 ترد أميرة / أي والله يدخل ابوصالح ومعاه تنكة كليجة من القصيم فرش طازا ويوزعها على الجميع واول مايقدمها للأخ الفليسوف من بعده اختنا اميرة ومن بعده اخونا البحر البعيد واختنا جمانه ومن بعدها يروح ويقدم كليجة مع مشاركة للساهر (دهن سير ) المهم يأخذ الساهر الكليجة ويجلس يأكل يطالع المشاركة ويتفرج عليها ماشاء الله حلوة الكليجة يرد ابوصالح / والمشاركة اخوي الساهر يضحك الساهر/ ايه حلوة مشاركتك اخوي بس الكليجه احلى وبهذا الوقت تدخل الاخت مضاوي مع اختها الجوري ويسلمن على الجميع وتقول مضاوي لأختها الجوري/ ماتلاحظين ان المنتدى صار هادي هاليومين ترد الجوري/ أي والله ملاحظه هالشي ترد مضاوي يمكن علشان ايام حنا بأول الاسبوع المهم وهن يتسارسن ( يعني يتكلم مع بعض بصوت منخفض ) والا تجيهم الاخت أميرة/ وشفيكن واففات تفضلن ترد الجوري/ ..يالله جايين حنا وتدخل وتقدم مشاركاتها للساهر ( اللي صار مشرف عام ومحد قده بس يستاهل ماشاء فوق 6000 مشاركة ) وتقدم الجوري مشاركتها (بحكم انها الكبيرة) ويقرى الساهر مشاركة الجوري ويرد عليها الساهر / ... ماشاء الله عليك اختي الجوري مبدعة ... كعادتك ... (وتضحك الجوري بينها وبين نفسها) وتقدم من بعد الجوري اختها مضاوي المشاركة اللي كلها ورود حلوة ويقراها الساهر ويقول / ماشاء الله وش هالزين والابداع الحلو لا انتي شاعرة والمشاركة حلوة تضحك مضاوي وترد شكراً استاذنا الساهر ..وتروح وتجلس عند اميرة الكون تتقهوى ويجي اخونا ابوصالح 3 ويعطي كل وحدة كليجة قصيمة وترد عليها الجوري/ وش ذي يقول ابو صالح/ هذي كليجة ومرات يسمونها سلحفاة ويضحك ... ترد مضاوي لا والله وش هي ياابوصالح 3 يرد هذي كليجة اكلة من أكلات القصيم الشعبية وتتكون من عسل وطحين ... ( عاد ابوصالح يعرف من ايش تتكون ) ترد الجوري شكراً لك وتجلس تأكل منها هي واختها مضاوي ..يجلسن يدردشن مع أميرة الكون الا وعلى دخلة اخونا المميز ألم .. ومعاه ملف كامل ..( كنه دكتور وبيلقي محاضرة ) يسلم على الجميع .. ويقدم له اخونا ابوصالح 3 كليجة ..يشكره اخونا ألم ويقول له / انا مليت من الكليجة بالبيت كليجة وبعد بالمنتدى كليجة يرد عليه ابوصالح 3 / وش قيك معصب ياخوي انا عرضت عليك الكليجة وش فيك تبي اهلاً وسهلاً ماتبي براحتك يرد ألم / طيب اسمحلي ... انا ضايق خلقي شوي واستحملني شوي يرد أبوصالح 3 طيب ماصارالا الخير وكلن يصلح موتره ويضحك وبعدها يتوجه للساهر ويعطيه المشاركة .. ويقول الساهر/ وشفيك وسع صدرك شوي وشفيك معصب يرد ألم / ياخوي امس مانمت زين ورحت للكلية وانا مواصل وطلعت ونمت كم ساعة وجيت للمنتدى يرد الساهر / الله يعين .. ويشوف مشاركة اخونا ألم ...ويقول ماشاء الله عليك وش هالزين ذا ...يرد ألم / تسلم والله اخوي الساهر آسف استاذي الساهر ...يرد الساهر / العفو يروح للمنتدى وينزل مشاركته يدخل اخونا المشارقي ... وهو يضحك كعادته ... ويسلم على الجميع ويقول /...هلا بالجميع السلام عليكم ويرد ايوصالح 3 وعليكم السلام ويعطيه كليجه ...ويقوله هذي اهداء مني لك ويرد عليه المشارقي / شدعوه مهديني شبح كلها كليجه ,,, يرد ابوصالح ابه كليجه صنع القصيم توها جاية اليوم ( وهي لها 3 ايام جايه ) يرد المشارقي شكراً اخوي ابوصالح ويتوجه يم طاولة الساهر ويبارك له على المنصب الجديد ويقول ./ مبروك على الاشراف العام ويرد الساهر الله يبارك فيك اخووي تخبر تعبت بروحي وانا مشرف وخليت جمانه تصير مشرفة وتعاوني شوي الكبر شين يرد المشارقي / لا وش دعوة انت الكل بالكل اخوي الساهر والله يحفظك لنا وجمانه تستاهل ... عاد جمانه كانت قريبة ...وترد على المشارقي / تستاهل العافية اخوي ...بهذي اللحظة الكل يبارك لجمانه انها صارت مشرفة ... اميرة الكون تقول / مبروك حبيتي جمانه وتستاهلين والله ترد جمانه / الله يبارك فيك حياتي ويجي الفليسوف العاشق ويقول / مبروك جمانه والله يعينك انشاء الله ... ترد جمانه / الله يبارك فيك ويعين الجميع انشاء الله ويبارك البحر البعيد ويقول / مبروك اختي جمانه وتستاهلين والله يعينك على الاشراف ..ترد جمانه / الله يبارك فيك وانشاء الله اكون عن حسن ظن الجميع يجي عاد ابوصالح ويقول / مبروك اختي جمانه والذبيحة والمة ,,, لا تقولين لا ,,, ترد جمانه / الله يبارك فيك .. مايحتاج ذبايح والمعزة بالقلوب شكراً لك اخوي ابوصالح يرد ابوصالح لا مايصير الفرحة ماتكتمل الا بالذبيحة وعشي على كيف كيفك ..ترد جمانه / خلها بعدين يرد ابوصالح لا انتي قولي تم ترد جمانه / وشفيك ابوصالح تسلم والله ...انا راح اقولك متى بنسويها ... يرد ابوصالح / وعد ترد جمانه/ وعد انشاء الله ... تبارك اختنا أنين وتقول /مبروك اختي جمانه على الاشراف وانتي بتستاهلي كل خير ترد جمانه /الله يبارك بأيامك اختي أنين والله يقدرني على الاشراف وتبارك اختنا الجوري وتقول / مبروك اختي جمانه والله فرحت لأنك صرتي مشرفة ترد جمانه/ الله يبارك فيك وبهذي اللحظه ترد اختها مضاوي/ مبروك اختي جمانه وانتي تستاهلين كل خير ترد جمانه/ الله يبارك فيك انشاء الله ويبارك اخونا ألــم لجمانه ويقول / مبروك اختي جمانه علىالاشراف ترد جمانه / الله يبارك فيك اخوي ويبارك اخونا المشارقي ويقول / مبروك اختي جمانه على الاشراف وترد جمانه الله يبارك فيك ..بهذي اللحظه يدخل اخونا الرائع شمس جدة ويسلم على الجميع ويقول/ السلام عليكم ويرد ابوصالح والجميع السلام ويعطي ابوصالح شمس جدة كليجة .. ويقول تفضل أحلى كليجة لأحلى شمس عندنا ويرد شمس / ايش هادا يابويا ... يرد ابوصالح كليجة عاد يرد شمس / يابويا ريحنا ايش هالأكلات دي ..يرد ابو صالح جرب وماراح تخسر.يرد عليه/ ياابوصالح انتي جالس تسوي تجارب علينا ... ياعمي فكنا ويرد عليه ابوصالح / براحتك يرد شمس / اجل براحتك انتا يرد عليه ابوصالح/ مادريت وش اخر الاخبار ... يرد/ وانا وش عرفني دوبني جاي ..ايش صاير ... يقول ابوصالح / جمانه صارت مشرفة يرد شمس / والله تستاهل جمانه ... ويروح شمس يم جمانه ويبارك لها ويقول ../ مبروك اختي ..جمانه الاشراف وترد جمانه / الله يبارك فيك ويرد شمس/ تستاهلين كل خير اختي وترد جمانه / الله يخليك اخووي ويروح شمس ويسلم على الساهر ويقول / السلام عليكم يرد الساهر / وعليكم السلام كيفك ياشمس يرد شمس / الحمد لله تمام ويقول الساهر/ وين لك مدة ماتنشاف ياشمس يرد شمس / والله يابويا ..مشاغل شويا والعمل صار دوامين والله يعين ... بس اليوم استأذنت وواحتمال مااجي المنتدى الا يوم الخميس والجمعة يرد الساهر / الله يعين يرد شمس / اجمعين ويدخل بهذا الوقت اختنا زهرة السوسن وهي مبسوطة
(يحق لها مشاركتها جداً مميزة) تسلم على الجميع وترحب فيهم ويجيها كالعادة اخونا ابوصالح ومعطيها كليجه ... وترد عليه زهرة / وش هذا يرد ابوصالح . كليجة ... ترد/ اها ...تصدق ماعرفتها ... وتضحك ... وتتوجه يم الساهر وتقول / السلام عليكم ويرد وعليكم السلام هلا زهرة السوسن وترد عليه / هلا فيك ... وتقول عندي مشاركة بس ودي تعطيني رايك فيها قبل لا أطرحها بالمنتدى ...يقراها الساهر ويرد ../ ماشاء الله وبرافو عليك ..نزليها بالمنتدى ...ترد عليه اختنا زهرة / شكرأ اخووي الساهر ... وتروح لطاولتها وترد ..... المهم ... يجي هالحين البندر ... مبتسم ومعاه شمعه ...
( علشان الصورة اللي تحت اسمه بالمنتدى ) ويسلم على الجميع ... ويجيه اخونا ابوصالح ويقدم له كليجة ..ويقول له أحلى كليجة لأحلى بندر بالدنيا
ويرد عليه/ مقبولة الهدية وشكراً لك ويبارك للاخت جمانه على الاشراف ... ويقول/ مبروك اختي جمانه وترد عليه /الله يبارك فيك اخوي ومن بعدها
يتوجه للساهر ويسلم عليه ويقدم مشاركته ... ويطالع فيها الساهر ... 4 دقايق بس ويرد عليه / لا زينه المشاركة والله يعطيك العافية يرد البندر للساهر / شكراً الله يعافيك ... ويتوجه لطاولته ويطرح المشاركة ... عاد يجي الحين المبدع دايماً اخونا مشجون ومعاه دفتر قصايد ... ويسلم على الجميع بس هالمرة الكليجه خلصت ويتوجه اخونا ابو صالح 3 لمشجون ويقوله / معليش الكليجه خلصت ... ويرد/ مشجون ... بحق ذي ..ويضحك لا عادي اخوي ابوصالح خيرها بغيرها ..ويتوحه للساهر ويجلس عند طاولته ... ويدور بينهم الحوار هذا ... هلا اخوي الساهر يرد الساهر / هلا فيك وين هالغيبة ...يقول مشجون /
والله بالشمال ...مسافر يرد الساهر / حمد لله على السلامة ... يرد مشجون الله يسلمك الا وش اخبار المنتدى يرد الساهر / والله عينوني مشرف عام وجمانه وبس مشرفة معي يرد مشجون / ماشاء الله كلكم تستاهلون ... والف مبروك ...يروح لجمانه ويسلم عليها ويقول ../ .مبروك اختي جمانه
ترد جمانه الله يبارك فيك ...ويتوجه ...لطاولته ...بهاللحظه تجي موون واختها بنت السحاب ... وتسلم موون وتقول السلام عليكم والله ماتقومون تضحك وتسلم بنت السحاب وترحب بالجميع وتتوجه يم الساهر .. وتقدم مشاركتها موون ويقراها ويرد / ماشاء الله مبدعة ... وتمنياتي لك بالتوفيق ...ترد عليه / شكراً ايها الساهر .. وتتوجه يم جمانه تسلم عليه الا وشايفه بطاقة الاشراف ..معلقتها وتقول ماشاء الله مبرووك وين الذبايح مايصير ... ترد جمانه وهي تضحك / انشاء الله قريب وتقول بنت السحاب .. / مبروك اختي جمانه ..ترد الله يبارك فيك انشاء الله ...ويتوجهن يم طاولتهن ... وبهذا الوقت يدخل اخونا بحر المحبة ..(.توه شاري شبح 99 فيقارا جديد) ..ويسلم على الجميع ويتوجه لي الساهر ويقول له / السلام عليكم يرد الساهر / وعليكم السلام ..يقول
/ اول شيء ابارك لك على الاشراف العام وابارك لأختي جمانه ... ( هو درى من اخونا الفليسوف العاشق ) ترد جمانه/ الله يبارك فيك ... ويقدم مشاركته للساهر ويقراها ويرد / الله وش الابداع الحلو ... وماشاء الله عليك اخوووي يرد بحر / شكراً لك يرد الساهر العفو .... ويتوجه بحر المحبة لطاولته ...ويدخل بهذ ا الوقت اختنا شقاوية ... متكشخه ... وتسلم على الجميع ... وتتوجه للساهر ...وتقدم مشاركتها ...وتقول /السلام عليكم ويرد الساهر/ وعليكم السلام ويقرى الساهر المشاركة ويرد /...لا مبدعة اختي ... وبالتوفيق انشاء الله .. ترد الله يخليك وتجي اختنا انين وتعلم شقاوية بأن جمانه صارت مشرفة وترد شقاوية ../ ألف مبروك اختي جمانه .وترد جمانه / .الله يبارك فيك اختي .. ومن بعدها تتوجه لطاولتها .... ومن بعدها يجي اخونا السعداوي .. ويسلم على الجميع ويروح كا العادة يم الساهر ... وقبلها يبارك للأخت جمانه ... ويقول /... مبرووك اختي جمانه ... ترد جمانه/ الله يبارك فيك ويقدم مشاركته للساهر ... ويقراها ... ويقول / لا تمام القصيدة وبالتوفيق انشاء الله يرد السعدواي / الله يخليك لنا ... ويتوجه لطاولته .... وتدخل بهذ ا الوقت اختنا
كلمة ومعنى ...وتسلم على الجميع وتتوجه يم الساهر وتبارك لأختنا جمانه وتقول / مبروك اختي جمانه ترد جمانه/ الله يبارك فيك اختي ..وتقدم مشاركتها المميزة للساهر ..ويقراها ... ويرد /ماشاء انتي شاعرة بمعنى الكلمة ..ترد كلمة / شكراً لك ... هذا وسام افتخر فيه ... وتروح يم طاولتها ..
يدخل اخونا المنسي 2002 ويسلم على الجميع ... ويتوجه يم الساهر ..ويقول / السلام عليكم ويرد الساهر / وعليكم السلام ...ويقدم مشاركته الرائعة ..وبهذا الوقت يبارك لجمانه الاشراف ويقول /... مبروك الاشراف اختي جمانة وترد جمانه / الله يبارك فيك . ويقراها الساهر .. ويرد / لا قصيدة رائعة وماشاء الله عليك ... يرد المنسي / شكراً لك ...ويتوحه يم طاولته .... وبهذي اللحظه تدخل الحاضرة الغايبة ..
اختنا سارة المميزة دائماً وتسلم على الجميع وتبارك للأخت جمانه علىالاشراف وتقول ... ماشاء الله مبروك اختي جمانه ترد جمانه / الله يبارك فيك انشاء الله .. وتتوجه للساهر لتقدم مشاركتها وتقول ,,, / السلام عليكم ويرد الساهر / وعليكم السلام وين هالغيبات ..اختي سارة ... ترد سارة / والله مشاغل ...وزين قدرت اجي اليوم ... يرد الساهر / الله يعين ... ويقرا مشاركتها ...ويرد / الله عليك ... تغبين وترجعين برائعة دايماً ترد سارة / شكراً لك هذا من ذوقك بس ... وتروح يم طاولتها .... ويدخل بهذا الوقت ... اخونا الرائع الباجري ... ويسلم على الجميع .... ويتوجه يم الساهر ويبارك لأختنا جمانه ويقول/
مبروك اختي جمانه الاشراف ..وتستاهلين .. ترد جمانه / الله يخليك ويبارك فيك ... ويقدم مشاركته للساهر ويرد / لا حلو ورائع كعادتك .. بالتوفيق .. يرد الباجري / شكراً وارجو ان اكون عند حسن الظن .... ويروح يم طاولته ....


واخيراً ينتهي الجزء الثاني والذي جمع 25 عضو وعضوة بهذا المنتدى الرائع وقد كلفني هذا العمل المتواضع ... حوالي الاربع ايام ... وانا احاول وبكل جهد وبعد توفيق الله سبحانه وتعالي ...ان ينال الجزء الثاني اعجاب اعضاء المنتدى ...ويعتبرونه هدية مني لهم .... العمل معرض للنقص والخطأ وهي قصة خيالية واحداثها لا تم للحقيقة بشيء ...حاولت ان اجمع هذه الكوكبة بأسلوب قصصي ممتع وحوار ممتع وسامحوني ..على الخطأ أو الاخطاء الاملائية ... ولكم تحياتي


للتذكير فقط : بفكرة المنتدى والقصة للأعضاء الذين يقرأون موضوعي للمرة الاولى .... هذه المقدمة البسيطة
هذه القصة في القرن السادس عشر ما ذكرت سابقاً ...وهي خيالية تخيلوا أحبتي ..أننا كنا نكتب ونحن نجلس في مكان واحد طبعاً لا يوجد كمبيوتر ولا إنترنت
المنتدى عبارة عن صالتين صالة كبيرة للأعضاء لكتابة المشاركة وصالة للزوار صالة الأعضاء بها طاولات وكراسي ولكل عضو كرسي وطاولة مكتوب عليها اسمه وعند باب الصالة نفسها لوحة كبيرة مكتوب عليها منتدى همس القوافي وبوح الخاطر وبجانبها لوحة أخرى مكتوب عليها
بأشراف الساهر والصالة الأخرى للزوار وهي عبارة طاولة كبيرة جداً مغطاة من الأعلى بلوح زجاجي حتى يتمكن الزوار من قراءة مواضيع المنتدى .
طريقة الاشتراك بالمنتديات عبارة عن مكتب صغير بها موظف يستقدم طلبات الاشتراك ويملئ بيانات المشتركين طبعا حتى يتمكنوا من الاشتراك ودخول المنتديات و قد تتسألون كيف نفرق بين الزوار والأعضاء ؟ عند كل باب منتدى هناك موظف خاص بالأمن يطلب العضويات الخاصة بالمنتديات فمن يملك بطاقة عضوية لانتساب المنتديات يسمح له بالدخول ومن لم يملك يمنعه ويدله على صالة الزوار طبعاً تصل ردود الأعضاء ومشاركتهم عن طريق الصندوق البريدي (ص.ب) ولوحة التحكم عبارة عن دولاب صغير تجمع فيه المشاركات القديمة وطريقة المشاركات تكون بالورق والقلم والردود صفحات من الورق تتم بالتعاقب العادي والتقييم عبارة عن نجوم يضعها المشرف والحذف يكون بتقطيع الورقة أو الاحتفاظ بها في الإدارة والتعديل يكون باللون الأحمر فقط ... ( الحمد لله أننا في القرن هذا )

ملاحظه / رجاء صغير فقط للمشرفين الافاضل ...ان يتم تثبيت موضوعي هذا حتى يوم السبت القادم ... لهدف قراءة الاعضاء كافة ولكم شكري


مابين القوسين هو كلامي شخصي لي ( ) وما بعد / هو كلام العضو او العضوة




أخوكم البندر ( بندر )
رد مع اقتباس
  #2  
قديم 15-10-2001, 08:36 AM
الجــــــوري الجــــــوري غير متواجد حالياً
 
تاريخ التسجيل: Aug 2001
المشاركات: 277
افتراضي

اهئ اهئ اهئ




اهئ اهئ :44:: :44::



البندر انا اصغر من مضاوي اهئ اهئ

::28::




ههههههههههههههههههااااااااي اخوف صح؟؟؟ ادري


الله يعطيك الف عافيه على القصه الحلوه عجبني الدور...وخاصه لمى كنا نتكلم بصوت منخفض (مرات تصير ونسولف وايد انا ومضمض كذا بس في الافراح ) ههههههههه

الله يوفقك اخوي العزيز



الجـــــــــــــــــوري
رد مع اقتباس
  #3  
قديم 15-10-2001, 08:50 AM
ابوصالح 3 ابوصالح 3 غير متواجد حالياً
 
تاريخ التسجيل: Jul 2001
المشاركات: 1,609
افتراضي ونيت ياظالم

اخوي البندر /هلا بدت تحلى بس ونيت ابو هندل ههههههههههههههه اما الكليجه انا جاي اليومين الجايات للرياض وشكلك مشتهي ولايهمك اخوي نجيب ؟ ترى جمانه ماحددت وقت العشاء ( ماتبي اللي منا ) امزح يعطيك العافيه الف مرة ( دفــــــــــــــــو الونيت مايشتغل ) حياتي
رد مع اقتباس
  #4  
قديم 15-10-2001, 02:22 PM
بحر المحبة بحر المحبة غير متواجد حالياً
 
تاريخ التسجيل: Jul 2001
المشاركات: 618
افتراضي

عزيزي البندر

جزاك الله خيرا على هذه القصة الرائعة
وأحلي ما فيها (شبح 99 فيقارا جديد)

مجهود مشكور ويكفي أنك قضيت فيه 4 ايام

والله يعطيك العافية

يحفظك ربي دائما


تحياتي وتقديري
رد مع اقتباس
  #5  
قديم 15-10-2001, 02:25 PM
أمــيــرة الكـــون أمــيــرة الكـــون غير متواجد حالياً

 
تاريخ التسجيل: Mar 2001
المشاركات: 3,221
افتراضي

اخوي البندر...

الله يسعدك يارب ... القصة حلوووووة واحلى شيء فيها انها جمعتنا يد وحده وقلب

واحد...

وبعدين والله اني مجتهدة كل يوم اوصل اول وحده...

بكرة بجيب الحلا معاي والقهوة...

ننتظر الجزء الثالث...

الله يحفظك يارب

رد مع اقتباس
  #6  
قديم 15-10-2001, 04:02 PM
ألــم ألــم غير متواجد حالياً
 
تاريخ التسجيل: Feb 2001
المشاركات: 941
افتراضي

هلاااااااااااااااا
بصراحه الله يعطيك العافيه
ويونسك ويسعد قلبك بكثر ما اسعدتنا
ورسمت الضحكه بوجوهنا

بس حلوه ...بصراحه عرفت تقراء
جزء من شخصيتي ..برافوا عليك

بس والله اني حبوب ما احب العصبيه
هههههههه
ابو صالح انتظرك بالطلعه هههه

اختي اميره ...لا تنسين البسبوسه
المره الثانيه

اخوي البندر
تسلم على مجهودك
تقبل هذي مني
رد مع اقتباس
  #7  
قديم 15-10-2001, 04:06 PM
البدر الساهر البدر الساهر غير متواجد حالياً
المشرف العــــــــــام
 
تاريخ التسجيل: Dec 2000
المشاركات: 9,140
افتراضي

أخي الرائع : البندر
ودي أقول لكم شيئ بس لا تضحكون علي واجد ......تراني عشت الأدوار المرسومة كأنها حقيقة وما دريت إلآ بنتي الصغيرة واقفة وراي وتنبهني تقول : يبه ترى الشاهي برد...والعصر أذن وأنت جالس تقرأ
الله يجمع شمل الجميع
رد مع اقتباس
  #8  
قديم 15-10-2001, 06:50 PM
زهرة السوسن زهرة السوسن غير متواجد حالياً

 
تاريخ التسجيل: Jan 2001
المشاركات: 3,308
افتراضي

البندر
بجد أفرحتنا بهذه الكلمات
وفعلا مثل ما قال البدر الساهر
عشت الأدوار بحق
هذا دليل تميز طبعا
يعطيك الف عافية وبإنتظار الجديد
تحياتي
رد مع اقتباس
  #9  
قديم 15-10-2001, 08:00 PM
مضـــــــــااوي مضـــــــــااوي غير متواجد حالياً
 
تاريخ التسجيل: Jul 2001
المشاركات: 403
Thumbs up

الغالي البنــــدر....

الصراحة...قصة في منتهى الروعة...

اللمه حلوه في المنتدى...وعشت القصه بجزئينها ..

رجعت قرأت اول جزء...والجزء الثاني...ههههههههه الصراحه دنيا غير..

وفيه شغلة مكشوفه بعد ههههههههههه انا والجوري في اغلب الاوقات نهمس حق بعض ههههههههههههه...

بس الجوري كانت بتقطع شعر راسها من القهر هههههههههههههههه مسكينه تعقدت الكل يفكرها اكبر مني ..::32::

يفكروني انا اصغر منها المهم زين سويت فيها. ::6:: ::6::

واختي الغاليه امووره...ترى انتظر القهوه العجيبه اللي من ايدك لازم اجي اشربها عندك ..

ويعطيك الف عافية اخوي البندر...امتعتنا خلال الاسبوعين...

وكلمه شكر قليلة في حقك...سهرت وتعبت...بس تأكد انك اسعدت جميع الاعضاء بالمنتدى..

تقبل مني أرق واجمل تحية على هذا الجهد المبذول..

.·:*¨Modawee¨*:·.
رد مع اقتباس
  #10  
قديم 15-10-2001, 09:09 PM
جمانه وبس جمانه وبس غير متواجد حالياً

 
تاريخ التسجيل: Feb 2001
المشاركات: 2,394
افتراضي



هلا


اقبلت لكم والقصايد ضاحكة حجاجها
فيها من انفاس عطركم ومن لونكم






هلا والله بالبندر


جيت وبيدي ورده حمراء لكل عضو

والله وتخيّلت نفسي بذاك الفستان الأحمر

أكيد ايجنن ::1::


ياااا خطير أنت

عرفت ذوقي

اخوي بندر


الله..الله..الله


خيال جميل الله يعطيك العافيه

لكن ننتظر تكملة القصة وسّع في الخيال أكثر ولا تنسى

ترى أنا ما اشرب قهوة مهيّلة

أشرب كابوتشينو

تسلم أخوي البندر وعساك على القوة
رد مع اقتباس
  #11  
قديم 15-10-2001, 11:24 PM
خلف التخوم خلف التخوم غير متواجد حالياً
 
تاريخ التسجيل: Aug 2001
المشاركات: 342
افتراضي

::26:: أعوذ بالله من الشيطان الرجيم ::28::

وحتى يفهم مقصدي أقول بعد الإذن من ابراهيم ناجي:


يا فؤادي رحم الله الأدبْ *** كان صرحا كجبالٍ فخَربْ


مجرد رأي ..
رد مع اقتباس
  #12  
قديم 16-10-2001, 12:43 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالية الجوري حفظها الله

هلا اختي الجوري .... معليش والله انا بذلت جهدي ونسخت اكثر من رد من المنتدى لكل عضو وحاولت اعرف جزء يسير منحياة كل عضو وصفاته خلاص المرة الجاية راح اخليك الصغيرة ولايهمك لك تحياتي


اخوك البندر
رد مع اقتباس
  #13  
قديم 16-10-2001, 12:46 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالي ابو صالح 3 حفظه الله

حياك الله اخووي ابوصالح ...انشاء الله الشخصية عجبتك وتسلم والله لك تحياتي


اخوك البندر
رد مع اقتباس
  #14  
قديم 16-10-2001, 12:54 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالي بحر المحبة حفظه الله

هلا اخوي بحر المحبة ووجودك منور بالقصة والشبح الفياقرا تستاهله (: لك تحياتي

اخوك البندر
رد مع اقتباس
  #15  
قديم 16-10-2001, 12:59 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالية أميرة الكـــون حفظها الله

.... اختي اميرة ...انتي غير لازم ومتوقعك نشيطة وحضورك دايماً بدري .. وبالنسبة للجزء الثالث راح يكون بشكل غير وبطريقة مختلفة عن الجزئين الاول والثاني لك تحياتي


اخوك البندر
رد مع اقتباس
  #16  
قديم 16-10-2001, 01:03 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالي إلــــــم حفظه الله

شكراً لحضورك اخووي ألم وانا حاولت اقرب شوي من شخصيتك بطريقتي الخاصة ولك تحياتي


اخوك البندر
رد مع اقتباس
  #17  
قديم 16-10-2001, 01:06 AM
ألــم ألــم غير متواجد حالياً
 
تاريخ التسجيل: Feb 2001
المشاركات: 941
افتراضي

يا خلف التخوم
ياخوي داخل على شياطين تعوذ
هذي اسائه منك بحق الجميع

ياخي اذا ما عجبك شي احتفظ برايك لنفسك
ولا تتلفظ بهذا الكلام
رد مع اقتباس
  #18  
قديم 16-10-2001, 01:07 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الاستاذالكبير البدرالساهر حفظه الله

شكراً لحضورك بدرنا الساهر وألف شكر لردك الرائع ..وصدقني اني حاولت بكل طاقة لدي ان ابدع وان ادخل اشياء جديدة بالمنتدى لك تحياتي


اخوك البندر
رد مع اقتباس
  #19  
قديم 16-10-2001, 01:09 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
افتراضي الغالية زهرة السوسن حفظها الله

شكراً اختي على كلماتك الرائعة وتواصلك الجميل لك تحياتي


اخوك البندر
رد مع اقتباس
  #20  
قديم 16-10-2001, 01:15 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالية مضـــــاوي حفظه الله

الغالية اختي مضاوي ... والله انا نفسي ازرع البسمة بقلوبكم ومعليش صغرتك وخليت اختك الجوري اكبر ...مجرد فكرة وانشاء الله الجاي احلى واحلى ....والاعضاء اكثر واشكر كلماتك الرائعة لك تحياتي


اخوك البندر
رد مع اقتباس
  #21  
قديم 16-10-2001, 01:19 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالية جمانه وبس حفظها الله

شكراً لحضورك وردك الرائع .... والكابتشنو مافي بالقرن السادس عشر ...بس مادام الدعوة خيال في خيال راح احط كابتشينو ولايهمك اختي لك تحياتي


اخوك البندر
رد مع اقتباس
  #22  
قديم 16-10-2001, 01:24 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالي خلف التخوم حفظه الله

حياك الله اخوي وشكراُ على كلماتك الرائعة ...وانا مافهمت ليش تتعوذ مننا ... والقصة خيالية مرة وماتمس للواقع اللي نعيشه بصلة بس كان ودي افهم للنقطة اللي بتوصل لها وماعليش حقك علي ان كانت القصة فيها شيء ممكن توضح ذلك برسالة خاصة ونتناقش على الخطأ اللي فيها وصدقني اسعدني حضورك لك تحياتي

اخوك البندر
رد مع اقتباس
  #23  
قديم 16-10-2001, 01:26 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالي ألـــــم حفظه الله

شكراً لحضورك وردك بس انا راح اتفاهم مع اخووي خلف التخوم واعرف ليش قال هالكلام مع اني راجعت القصة اكثر من مرة ومالقيت فيه شيء مو زين شكراً لك ولك تحياتي

اخوك البندر
رد مع اقتباس
  #24  
قديم 16-10-2001, 03:11 AM
انين الكلمات انين الكلمات غير متواجد حالياً
 
تاريخ التسجيل: Jun 2001
المشاركات: 1,270
افتراضي الغالي البندر

والله الجزء التاني حلو مع شوية تعديلات بس حلو

سلمت يداك على هذا المجهود الرائع

سلمت من كل شر
تقبل تحياتي واحترامي
رد مع اقتباس
  #25  
قديم 16-10-2001, 03:17 AM
البندر البندر غير متواجد حالياً
 
تاريخ التسجيل: Jun 2001
المشاركات: 1,569
Smile الغالية انين الكلمات حفظها الله

اشكر لكي حضورك اختي انين وتشريفك ....الجزء الثالث بأذن الله بأحاول تلافي الاخطاء بالجزئين الاول والثاني ... ولايهمك لك تحياتي


أخوك البندر
رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:12 AM.


New Page 4
 
 
Copyright © 2000-2018 ArabsGate. All rights reserved
To report any abuse on this website please contact abuse@arabsgate.com