عرض مشاركة واحدة
  #1  
قديم 27-02-2010, 01:38 PM
<*papillon*> <*papillon*> غير متواجد حالياً

 
تاريخ التسجيل: May 2002
المشاركات: 4,100
افتراضي وين أحب الليلة للأمير الشاعر بدر بن عبد المحسن


الليالي الوضح .. والعتيم الصبح .. بان لي وجه الرياض ..
في الليالي الوضح .. والعتيم الصبح .. لاح لي وجه الرياض ..
في مرايا السحب ..

بكفها فلت جديله من حروف .. و قصة الحنا طويله في الكفوف ..
من ندى عطر الرفوف .. لين صحاه في ثيابك ..
وفي الهـبوب ..

أنثنينا.. يا هبوب النعاس .. والحلم .. ألف غصن من اليباس..
فز.. لاجلك وانثنى .. اكسري الأوهام.. كأس.. والمواجع.. فم..
وان عشقتيني انا..ما أبي من الناس ناس ..
ما علينا لو طربنا وانتشـينا..
آه ما أرق الرياض تالي الليل..
أنا لو أبي .. خـذتها بيدها.. ومشـينا..

يا نصيبي من الصور .. والرسايل ..
ومن كل شمس قايمه .. ومن كل ظل مايل..
يا مكاني من البيوت .. ومن الصحاري اللي فرقت فكري.. قبايل..

وين أحـب الليله .. وين أهيم ؟
اقبلي مثل ديم .. ومثل نار في هشيم..
في غصون الضي .. من ليل الغضا..
وبين ما خلا النخيل من الفضا.. ومانسى الغيم ..

اقبلي .. يا بخت لي عيوني من الربيع..
وطل وجهي من الشتا.. ومثل صوتي من الهبوب..
اقبلي مثل الرياض .. من تعاريج الدروب..
في ضلوع الوادي .. وين حبيتك .. قمر ..فوق طين اجدادي..

أرفعي طرقة الشيله عن سـديم..
وكوكب وهـاج .. وأقطعيني بنصل .. طرف سـادر وحجاج ..
شـقـقيني .. يالرياح العارضيه .. واهـدميني سـياج ..
لين أغني .. الهوى ما هـو خطيه .. آه ما أرق الرياض ..


في هذه القصيدة تغنى الشاعر بمدينة الرياض
واصفا اياحا بمحبوبته
استخدم في ذلك تشبيهات رائعة
الحرف كان هنا اعتزازا بالوطن وتظهر معالم الرياض بين ثنايا الاوصاف

تقبلوا تقديري واحترامي
الفراشة
رد مع اقتباس